རྒྱ་གར་གྱི་ ལྷོ་ཕྱོགས་ཁྲོམ་སྡེ་ མུམ་བཱ་ཡེ་ལུ་ སྤྱི་ཟླ་༢ པའི་ཚེས་༡༥ ལས་༡༧ ཚུན་འཚོགས་མི་ འཛམ་གླིང་མི་སྟོབས་གོང་འཕེལ་འཛོམས་འདུའི་ ཉིན་མཇུག་དེ་ནང་ སྐུ་མགྲོན་གཙོ་བོ་སྦེ་བྱོན་མི་ ལས་གཡོག་བློན་པོ་ རྡོ་རྗེ་དབང་འདུས་ཀྱིས་ དུས་རབས་གསར་པའི་ནང་ ལས་མི་བདག་སྐྱོང་ལམ་ལུགས་ ལག་ལེན་དྲག་ཤོས་ཀྱི་ རྩ་དོན་ཚུ་ འགྲེལ་བཤད་བསྐྱར་བཀོད་ཀྱི་སྐོར་ལས་ གསལ་བཤད་གནང་ཡོདཔ་ཨིན་པས། འཛམ་གླིང་རྒྱལ་ཁབ་ཚུ་ལས་ མི་སྟོབས་འགོ་ཁྲིདཔ་དང་ འཛིན་སྐྱོང་པ་༧༠ དེ་ཅིག་གིས་ བཅའ་མར་གཏོགས་མི་ འཛོམས་འདུའི་སྐབས་ལུ་ མི་མང་དང་ སྒེར་སྡེ་ལས་འགུལ་ཚུ་ནང་ མི་སྟོབས་ཀྱི་ འགོ་ཁྲིདཔ་དྲག་ཤོས་དང་ མཁས་མཆོག་ལེ་ཤ་ཅིག་ལུ་ ལེགས་བསྟོད་ཀྱི་ རྟགས་མ་ཚུ་ བྱིན་ཡོདཔ་མ་ཚད་ ལས་གཡོག་བློན་པོ་ རྡོ་རྗེ་དབང་འདུས་ལུ་ འཛམ་གླིང་མཁྱེན་རྒྱ་ཅན་གྱི་ དབུ་ཁྲིད་རྟགས་མ་ཅིག་ཡང་ ཕུལ་ཡོད་པའི་གནས་ཚུལ། |
No comments:
Post a Comment