གནས་ཚུལ་མདོར་བསྡུས།

ཁ་ཙ་ དུས་ཆེན་ལྔ་འཛོམས་བརྩི་སྲུང་གི་དོན་ལུ་ ཐིམ་ཕུ་བཀྲིས་ཆོས་རྫོང་ནང་ སྐྱབས་རྗེ་རྗེ་མཁན་རིན་པོ་ཆེ་མཆོག་ དབུ་བཞུགས་ཐོག་ལས་ གཞུང་དགེ་འདུན་གྲྭ་ཚང་གིས་ རྣམ་རྒྱལ་སྟོང་མཆོད་དང་ འཕགས་པ་གནས་བརྟན་བཅུ་དྲུག་གི་ གསུང་ཆོག་གནང་སར་ མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་རྣམ་གཉིས་ བྱོན་གནང་ཡོདཔ་བཞིན་དུ་ ལྷན་རྒྱས་གཞུང་ཚོགས་ཀྱི་ བློན་པོ་དང་ གཞུང་གི་ཆེ་མཐོའི་འགོ་དཔོན་ཚུ་གིས་ཡང་ འབྲེལ་གཏོགས་གནང་ཡི། དུས་ཆེན་བརྩི་སྲུང་དང་འབྲེལ་ བཀྲིས་ཆོས་རྫོང་ནང་ གནས་བརྟན་བཅུ་དྲུག་གི་ མཐོང་གྲོལ་དང་ ཞབས་དྲུང་ཁམས་གསུམ་ཟིལ་གནོན་གྱི་ སྐུ་འདྲ་ཡང་ མི་མང་ལུ་ མཇལ་ཁ་གནང་ཡི།