མི་དབང་རྒྱལ་བཙུན་མཆོག་གིས་ གླ་འཁོར་གྱི་ དེད་གཡོགཔ་ཚུ་དང་གཅིག་ཁར་ མཇལ་ཕྲད་གནང་པའི་བསྒང་། |
དུས་ཆེན་བརྩི་སྲུང་སྐབས་ལུ་ མི་དབང་རྒྱལ་བཙུན་མཆོག་ལུ་ བཀྲིས་ལེགས་སྨོན་ཞུ་ནིའི་དོན་ལུ་ རྒྱལ་པོའི་ཡིག་ཚང་གི་ ལས་བྱེདཔ་ཚུ་དང་ གླ་འཁོར་མཐུན་ཚོགས་ཀྱི་ ཡིག་ཚང་ལས་བྱེདཔ་ཚུ་གིས་ འགོ་ཁྲིད་འབད་དེ་ གླ་འཁོར་དེད་གཡོགཔ་ལེ་ཤ་ཅིག་ འཛོམས་ཡོདཔ་ཨིན་པས།
གླ་འཁོར་དེད་གཡོགཔ་༤༠ དེ་ཅིག་གིས་ རྒྱལ་བཙུན་མཆོག་ལུ་ བཀྲིས་ཁ་དར་ཕུལ་ཡོདཔ་ད་ གླ་འཁོར་མཐུན་ཚོགས་ཀྱིས་འབད་བ་ཅིན་ མི་དབང་རྒྱལ་བཙུན་མཆོག་ལུ་ བཀྲིས་ལེགས་སྨོན་ཞུ་ནི་གི་ གོ་སྐབས་གནངམ་ལས་ མཐུན་ཚོགས་ཀྱི་ འཐུས་མི་ཚུ་ ཁ་རྗེ་བཟང་བ་གིས་མ་ཚད་ སེམས་ལུ་སྤྲོ་བ་ཚད་མེད་བྱུང་ཡི་ཟེར་ཨིན་པས།
འཐུས་མི་ཚུ་གིས་ མི་དབང་རྒྱལ་བཙུན་མཆོག་ སྐུ་ཚེ་ཞབས་པད་བརྟན་ཅིང་ ཐུགས་སྤྲོའི་ངང་ལུ་ བཞུགས་ནི་གི་ སྨོན་འདུན་ཞུ་ཡོདཔ་ཨིན་པས།
མི་དབང་རྒྱལ་བཙུན་མཆོག་གིས་ བཀྲིས་ལེགས་སྨོན་ཕུལ་བར་ འོང་མི་ཚུ་དང་ མཇལ་ཕྲད་ཐོག་ གསོལ་ཇ་གནང་ཡོད་པའི་གནས་ཚུལ།
རྩོམ་འབྲི་ལས་བྱེདཔ།
No comments:
Post a Comment