རྐྱེན་ངན་དེ་ཡང་ མོང་སྒར་དང་ བཀྲིས་སྒང་གི་གཞུང་ལམ་ལས་ ཁ་ཡར་བལྟ་སྟེ་ དགྲ་མེད་རྩེ་ལུ་ འགྱོ་སའི་ལམ་ཁར་ ཀི་ལོ་མི་ཊར་༥ དེ་ཅིག་ལུ་ལྷོདཔ་ད་ བྱུང་ཡོདཔ་ད་ སྣུམ་འཁོར་དེ་ ལམ་འོག་ལས་མར་ མི་ཊར་༣༥ དེ་ཅིག་ རྦོབ་རིལ་ཡོདཔ་ཨིན་པས།
སྣུམ་འཁོར་ཌི་སི་ཨེམ་དེ་ སྟོངམ་སྦེ་ ཁ་གླིང་ལས་ དགྲ་མེད་རྩེ་ལུ་ འགྱོ་བའི་བསྒང་ཨིནམ་ད་ སྣུམ་འཁོར་ནང་ དེད་གཡོགཔ་དང་ སྣུམ་འཁོར་གྱི་ཇོ་བདག་ དེ་ལས་ ཕོ་སྐྱེས་༡ རྩིས་ཏེ་ འགྲུལ་པ་༣ ཡོདཔ་ཨིན་པས།
ཕོ་སྐྱེས་༢ པོ་དེ་ བཀྲིས་སྒང་སྨན་ཁང་ནང་ བསྐྱལ་ཡོདཔ་ད་ ཤི་རྐྱེན་བྱུང་མི་ དེད་གཡོགཔ་དེ་ མོང་སྒར་ཆ་གླིང་ལས་ཨིན་པས།
བྱུང་རྐྱེན་གྱི་སྐོར་ལས་ མོང་སྒར་ཁྲིམས་སྲུང་འགག་པ་ལུ་ དེ་ཚེ་ཕྱི་རུའི་ཆུ་ཚོད་༥.༡༥ དེ་ཅིག་ལུ་ སྙན་ཞུ་ལྷོད་ཡོད་པའི་གནས་ཚུལ།
བདེ་ཆེན་ཚེ་རིང་།
No comments:
Post a Comment